Dagaalkii 77 ee dhex maray labada dal ayaa waxaa ku gacan sarreeyay ciidamada Soomaaliya oo jab lixaad leh gaarsiiyay ciidamadii Ethiopianka ahaa ee ka soo horjeeday,taasoo keentay in ciidamada Soomaaliya ay ku dhawaadaan magaalada Adis Ababa oo qarka u saarneyd in lala wareego haddii aaney ka soo gaarin Gaalada.

Diyaaradaha dagaalka Ethiopia ayaa maanta si arxan darro ah u duqeeyay magaalada Baladweyne, Jawiil iyo Kalabeyr,inkastoo bambaanooyin fara badan ay tuureen diyaaradahaasi hadana Allaah ayaa ka bad baadiyay dadka reer Hiiraan.

Diyaaradaha dagaalka Ethiopia ayaa si xun u garaacay xarun lagu dhaqan celin jiray dhalinyarada, dhismayaal dad rayid ah ay degan yihiin iyo goobo ganacsi, marka la eego tirada bambaanooyinka ay rideen diyaaradahaasi iyo khasaaraha ka dhashay ayaa ahaa kuwa aan isu dhigman oo kala fog taasoo mahadeeda uu leeyihay Allaah subxaanahu watacaalaa.

Ciidamada Tikreega ayaa sidoo kale diyaarado u adeegsaday dagaalka ay ku soo qaadeen deegaanka Seddex Higle ee u dhaxeeya Bandiiradley iyo Gaalkacyo,inkastoo aaney ciidamadaasi ku guuleysan in ay ka soo gudbaan difaacii adkaa oo ay halkaasi dhigeen ciidamada maxkamadaha islaamiga Soomaaliyeed,waxaana dib loo jabiyay ciidamadii Tikreega ahaa ee ku soo duulay deegaanka Seddex Higle ee duleedka magaalada Gaalkacyo.

Jab lixaad leh ayaa lagu dhigay ciidamadii Tikreega ahaa ee maanta ku soo duulay dalka Soomaaliya,marka laga soo tago dhimashada iyo dhaawaca faraha badan ee loo gaystay ciidamadaasi ay u dheer tahay 12 Tikree ah oo nolol lagu qabtay, kuwaasoo dhawaan saxaafada loo soo bandhigi doono.  Source: Qaadisiya.com