Xildhibaan Bishar Ugas Ibrahim Ugas Cali(Damdamle) oo xubin ka ah Baarlamanka dowladda federalka Soomaaliyeed aya booqasho hawleed ku jooga Waqooyiga Amerika.

Xildhibaanka oo booqashadisa Waqooyiga America ka bilaabey Magaalada Chicago ee gobolka Illinois
ayaa waxu kulan la qaatey jaaliyadda Soomaaliyeed ee ku dhaqan Magaalada Chicago. Shirkaas oo ay soo qabanqaabisey xarunta jaaliyadda Soomaaliyeed ee magaalada Chicago (East African Community Center) ayaa waxu ka dhacey isla xarunta jaaliyadda. Xildhibaanka ayaa waxu war bixin dheer ka bixiyey xaaladda guud ee waddanka haddey ahaan laheyd xag nabad gelyo, xag siyaasadeed iyo xag dhaqaalaba. Xildhibaan Bishar Ugas oo asagu ah nin dhallinyara ah islamarkaana ah xildhibaanka ugu da'da yar ayaa waxu si khaas ah ula Hadley dhalinyarada jaaliyadda Soomaaliyeed ee Magaalada Chicago asagoo ku boorriyey iney si buuxda uga qeyb qaataan dib u dhiska dalkooda hooyo. ; Dhallinyaro fara badan oo da'dina ah kuna sugan dalkooda hooyo maamta ma heystaan fursaddaan qaaliga ee aad qurbaha ku heysataan haddey ahaan laheyd nabad gelyo,dhaqale, iyo waliba maskax fiyoow" ayu yiri xildhibaanku mar uu dhalinyarada la hadlayey.

Madaxa jaaliyadda Soomaaliyeed ee Magaalada Chicago Mr. Yuusuf Aadan Cali oo aan wax ka weydiiney booqashada Xildhibaanka ayaa ku tilmaamey iney aheyd fursad qaali ah oo jaaliyaddu heshay isla Markana u mahadceliyey Xildhibaanka sida hagaagsan ee uu waqtigiisa u siiyey uguna haqab tirey baahidi ay u qabeen iney war wax ku ool ah ka helaan kulankan.

Xildhibaanka aya sidoo kale noo sheegay in booqashadisa Waqooyiga Amerika uu ku tagi doono magaalooyin kale oo ay ku badan yihiin bulshada Soomaaliyeed
Mar aan Xildhibaanka weydiiney waxyaabihi uu qabtey inti uu Xildhibaanka ahaa ayaa waxu noo sheegay inuu aad ugu dadaaley wacyi gelinta asago mar walba dhalinyarada Soomaaliyeed war baahinta uga a
Sheegi jirey una fududeyn jirey iney kaalintooda qaataan. Sidoo kale waxu xildhibaanku diyaariyey moonshin uu kaga hadlayey arrimaha dhalinyarada Soomaaliyeed iyo caqabadaha u gaarka ah ee heysta dhalinyarada . Xildhibaanka aya xubin ka ah guddi hoosaadka barlamaanka soomaaliyeed ee arrimaha dhallin yarada.
Waxii faafaahin dheeri ah oo ku saabsan booqashada Xildhibaankan si toos ah ugala soco barta internetka africanewsonline.com