|
Bismi-Allahi alRaxmaani alRaxiim
Warsaxaafadeed ku saabsan kulunkii dhawwaan dhexmaray Barre Hiiraale
& xulufadiisa, oo ah gumeystayaal ka soo duulay
Gobolka Galguduud, iyo Maamulka Kenya ee Degmada Mandera
oo ku kulmay agagaarka Ceelwaaq si loo gaaro nabad.
August 14, 2005; PR#7.08.05
Innagoo ah xafiisyada hoos ku
magacaaban, waxaan u aragnaa kulanka dhexmaray Barre
Hiiraale iyo xulufadiisa iyo dhinaca kale Guddomiyaha
Degmada Mandera iyo xubnihii la socdey mid aan
habbooneyn islamarkaasna ah jahawareer siyaasadeed marka
laga eego xagga siyaasadda gobolada ee dalka Somalia,
xiriirka xuduuddada ee Somalia iyo Kenya, iyo xaqiida
dhabta ah ee arrimaha Ceelwaaq iyo Gobolka Gedo.
Barre Hiiraale iyo Xulafdiisa
ee Juba Valley oo loo yaqaan “Walaalaha Galguduud”
waa guumeystayaal cusub oo ka yimid gobolka Galguduud ee
bartamaha Somalia, kuwasoo weerar ku soo qaadey dhulka
digil iyo mirifle ee loo yaqaan dawlad-goboleedka
koonfur-galbeed Somalia, laga soo bilaabo muddadii ay
dhacdey dawladdii dhexe ee Somalia. Xulufado waxay mar
hore qabsadeen dhulal badan oo ka tirsan Shabeelada
Hoose, Jubada Hoose, Jubbada Dhexe, iyo Gobolka Gedo
iyagoo isku daya haya in abuuraan dawlad goboleedka
shanaad, kana abuuraan si sharci darro ah dhulka ay
leeyihiin dadka Digil iyo Mirifle.
Quwwadaha xoreynta ee
dadka Digil iyo Mirifle labadiisa dhinacba, dhinca
Siyaasadda iyo dhinaca Militirigaba, waxay mar hore
bilowbeen hawsha lagu xorreynayo dhulka hooyo iyagoo ka
xorreynaya quwadihii qabsadey laga soo bilowbo markii ay
dhacdey dawladdii Somalia. Dagaalakii u danbeeyey ee
Ceelwaaq waa mid ka mid ah halkankaas lagu xorreenayo
dhulka D/M oo ay hoggaaminayaan ciidanka badbaadada ee
Garre.
Barre Hiiraale iyo
xulufadiisa waxay ku xadgudbeen heshiiskii nabadda ee
lagu saxiixay shir nabadeedkii Nairoobi, ee Kenya.
Haddii Barre Hiiraale iyo xulufadiisa run ahaantii ay
ixtiraamayaan horriyadda dadka, islamarkaasna ay
doonayaan nabad, waa in ay ka baxaan dhulka Digil iyo
Mirifle kuna noqdaan gobolkii ay ka yimaadeen ee ka
tirsan Puntland, awooddana ay ku wareejiyaan dadka
asalka iyo aqlabiyadda ah ee Digil iyo Mirifle ee ukala
dhashey gobolada kala duwan ee Dawlad Goboleeda
koonfur-galbeed.
Haddii ay doonayaan
dawladaha safka hore ee Somalia, IGAD, iyo sidoo kale
wakiilada hee’adaha caalamiga ah in ay ku lug yeeshaan
ka hadalka dhibaatooyinka dhulka la gumeysto ee Digil
iyo Mirifle, haddaba waa in ay la hadlaan hee’adaha ku
shuqul leh ee siyaasadda iyo dagaalka ee xooggaga
xoriyadda ee Digil iyo Mirifle ee ma aha in ay la
hadlaan xoogagga gumeysiga iyo xadgudubka.
Halkan hoose waxaa ku taxan
garabyada siyaasadda xoogagga xoreynta:
¨
Xafiiska Siyaasadda ee “Gobta Reewiin” (POGR)
– oo ah awoodda ugu sarreysa ee qoyska Garaadyada (boqorrada)
ee Digil iyo Mirifle.
¨
Golaha Wadatashiga caalamiga ee SDM – oo ah
Xisbiga siyaasadda casriga ee dadka SDM heer dawlad
goboleed, mustaqbalkana u taagan dhammaan dhammaan dadka
soomalieed heer federaal.
Hoos waxaa sidoo kale ku
taxan liiska garabyada Militiga ee xooggaga xoriyadda ee
dawlad goboleedka “Southwest State” (SDM)
¨
Reewin Resistance Army (RRA)
¨
Digil Salvation Army (DSA)
¨
Shanta Geed Ganaane Army
(G5A) – Xulufada dadka dega Jubba Valley ee Asalka.
Haddii aad qabtid wax
su’aal ah, fadlan arag bogogga aan ku soo bandhignay
warsaxafadyadii hore sida Luuq.net, Buurhakaba.com, iyo
Arlaadi.com iwm amaba la soo xiriir Sh. C/salaan A.
Malla, Mas’uulka hawlfulinta ee POGR islamarkaasna ah
aasaasaha koowaad ee SDM-CCI. Email DMCCI@luuq.net
|
