Shirwaynihii XDSHSI ee 7aad oo Lagu Doortay Golaha Dhexe,Gudiga Fulinta iyo Hogaaminta Xisbiga.

Birqod(CakaaraNews) Axad August 12,2012.Galabnimadii Shalay iyo Habeenimadii ayaa uu Shirwaynaha XDSHSI uu halkiisii ka sii socday,maadaama galinkii hore ay ahayd soo gudbintii waxqabadka xisbiga iyo doorashadii gudiga hogaaminta shirwaynaha 7aad ee XDSHSI,maadaama Mudadii sharciga ahayd uu ka dhamaaday Golihii Dhexe,Gudigii Fulinta Xisbiga iyo Hogaamintiiba,si loo Doorto Gole Dhexe,Gudi fulin iyo Hogaaminta Xisbiga. Galinkii Danbe ayaa ay Ergooyinkii Shirwaynaha 7aad(Caadiga) ee XDSHSI ka soo Qaybgalay u Codeeyeenn 5 Xubnood oo ah Gudiga hogaaminta Shirwaynaha Mudada Doorashada lagu jiro,halkaasoo lagu Doortay 47 Xubnood oo ah Golaha Dhexe ee Cusub oo ay u Badnaayeen Wajiyo Cusub oo ay ku jiraan Dumar ay ka Mid Yihiin Marwo Raxma Suldan Maxamud Haybe iyo Marwo Fartuun Mahdi,islamarkaana Xubno badan ay lug baxeen oo hore uga mid ahaa Golaha Dhexe iyo Gudiga Fulinta Xisbigaba.

Dhanka kale isla habeenimadii Xalay ka dib Doorashadii Golaha Dhexe ee Cusub, ayaa hadana ay Ergooyinku Doorteen Gudiga Kormeerka iyo Dabagalka Xisbiga oo ay ka mid ahaayeen 1- C/wahaab Rashiid Gudoomiye 2- Mudane Aadan Faarax G/xigeen 3- Mudane Maxamed Faatax Maxamed Xoghayn 4- Mudane Cabdulaahi (Garbo) 5- Mudane Ibraahin Juruf 6- Mudane Maxamed Cabdi 7- Mudane Ilyaas Abiib 8- Mudane Cabdi Muxumed Cali iyo 9- Mudane Maxamed Shariif.

Doorashada Golaha Dhexe iyo Gudiga Kormeerka ka dib ayaa ay Dhamaanba Ergooyinkii,Qurbajoogtii,Wakiiladii Asxaabta Siyaasadeed iyo Martisharaftii ka soo Qaybgashay Shirwaynaha 7aad ee XDSHSI ay ka soo Dareereen Hoolkii Shirwaynuhu ka Socday Mar hadii ay Si sharci ah,Democratic ah oo cadaalad ku salaysan ku doorteen Golaha Dhexe ee XDSHSI iyo Gudiga Baadhista iyo Kormeerka. Ka dib ayaa ay 47kii xubnood ee Golaha Dhexe ee loo doortay XDSHSI ay isugu soo hadheen goobtii shirwaynuhu ka socday halkaasoo ay ku Doorteen 13 Xubnood oo ah Gudiga Fulinta Cusub ee Xisbiga iyo 3da ugu saraysa oo ay ka Mid ahaayeen:-

1- Mudane Maxamed Rashiid Isaaq Gudoomiyaha XDSHSI.

2- Mudane Cabdi Maxamuud Cumar G/Xigeenka " ".

3- Mudane C/laahi Yuusuf Weerar Xoghayaha " ".

4- Mudane C/xakiin Cigaal Faarax Xubin.

5- Mudane C/fataax Maxamuud Xasan " ".

6- Mudane C/casiis Maxamed " ".

7- Mudane C/raxmaan Sheekh Maxamed " ".

8- Mudane Cabdi-Sonkor " " .

9- Mudane C/risaaq Cali Baashe " "

10- Mudane C/salaan " ".

11- Mudane Faarax Jaamac Yuusuf(Faraxow) " ".

12- Mudane Axmed Maxamed Shukri " ".

13- Mudane Saleebaan Axmed " ".

Subaxnimadii saaka ayaa mar 2aad ay isugu soo noqdeen Goobta Shirwaynuhu ka Socday Hogaamintii Xisbiga ee La Doortay Xalay,Golihii Dhexe,Gudigii Baadhista,Ergooyinkii,Wakiiladii Asxaabta siyaasadeed ee Bahwadaagta,Qurbajoogta iyo Marti Sharaftiiba,halkaasoo Guriga loo soo bandhigay in ay Fikirkooda ka Dhiibtaan Dhamaanba Xubnihii la Doortay Shakhsi Shaksi,taasooy Dhamaanba Ergooyinkii iyo Wakiilada Asxaabtuba aad ugu riyaaqeen Sida cadaaladeed ee Doorashadu u dhacday iyo Xubnaha la doortayba,islamarkaana Dardaaran ku Siiyeen.

Isku Soo wada Duuboo Shirwaynihii 7aad ee XDSHSI ayaa Saaka halkaa ku soo xidhmay,islamarkaana ay Dhamaanba Ergooyinkii ka soo qayb galay Shirwaynuhu ay u soo wada shiraacdeen Deegaanadii ay ka kala yimaadeen,Halka Golihii Dhexe Cusbaa iyo Hogaamintii Xisbigu Waysada u dhaansadeen in ay Lug ku tagaan Geeri-go'an oo u jirta Birqod ilaa 13 km,si ay ugu soo qaataan Shir khaas u ah oo aan la shaacin Ujeedadiisa una soo arkaan xaalada Nololeed ee Shacabka ku dhaqan Goobtaas.